Jerome's Latin Vulgate (405 A.D.)

Psalms 39

The Book of Psalms

Return to Index

Chapter 40

1

pro victoria canticum David

2

beatus qui cogitat de paupere in die mala salvabit eum Dominus

3

Dominus custodiet eum et vivificabit eum et beatus erit in terra et non tradet eum animae inimicorum suorum

4

Dominus confortabit eum in lecto infirmitatis totum stratum eius vertisti in aegrotatione sua

5

ego dixi Domine miserere mei sana animam meam quoniam peccavi tibi

6

inimici mei loquentur malum mihi quando morietur et periet nomen eius

7

et si venerit ut visitet vana loquetur cor eius congregabit iniquitatem sibi et egrediens foras detrahet

8

simul adversum me murmurabant omnes odientes me contra cogitabant malum mihi

9

verbum diabuli infundebant sibi qui dormivit non addet ut resurgat

10

sed et homo pacificus meus in quo habui fiduciam qui manducabat panem meum levavit contra me plantam

11

tu autem Domine miserere mei et leva me ut reddam eis

12

in hoc cognovi quod velis me quia non insultavit inimicus meus mihi

13

ego autem in simplicitate mea adiutus sum a te et statues me ante faciem tuam in perpetuum

14

benedictus Dominus Deus Israhel a saeculo et usque in saeculum amen amen

Psalms 41

 

 

 

Please Click the Ads.

Clicking the Ads helps us to keep this free Bible website open for everyone.

Thanks!

 

 

 

HTMLBible Software - Public Domain Software by johnhurt.com

 


Other Items are Available At These Sites: